Kumpyansa si Director Major General Nicolas Torre III, Criminal Investigation and Detection Group (CIDG) nga masakpan ug madakpan ra gihapon si kanhe presidential spokesperson Harry Roque human sa gipa gula nga warrant of arrest batok kaniya.
Matud sa pa ni torre nagtukod sila ug mga tracker team nga aron pangitaon si Roque. Nahinumduman nga ang CIDG usab ang nagpasa sa reklamo batok sa kanhi presidential spokesperson tungod sa gituohang pag-apil niini sa human trafficking activities nga may kalabutan sa Lucky South 99, usa ka dakong Philippine Offshore Gaming Operator (POGO) hub sa probinsya sa Pampanga.
Kahinumduman niadtong Mayo 15, usa ka lokal nga korte sa Angeles City, Pampanga ang nagpaggawas sa warrant of arrest batok kang Roque apil usab sa maong warrant si Cassandra Li Ong ug 49 pa ka indibidwal. Duha ka buwan pa sa wala pa ipagula ang warrant, nakit-an si Roque sa The Hague, Netherlands, diin mitabang unta siya sa kaso ni kanhi Presidente Rodrigo Duterte nga kasamtangang nakadetine sa International Criminal Court (ICC).
Sa ulahi, mipadayag si Roque nga nag-apply siya og asylum sa Netherlands tungod sa iyang giingong political persecution nga nasinatian niya dinhi sa Pilipinas.Samtang sumala sa Department of Justice (DOJ) spokesperson Mico Clavano paninagkamotan nila ang tanan nga legal remidies aron nga si kanhe presidential spokesperson Harry Roque mabalik sa nasod ug maatubang ang iyang kaso.