Napamatud-ang sad-an sa House Ethics Committee si Cavite 4th District Rep. Kiko Barzaga tungod sa disorderly behavior. Kini human sa gikaingong dili angay nga pamatasan sa pipila ka mga social media posts niini.
Girekomendar sa komite nga suspendehon si Barzaga sulod sa 60 ka adlaw diin walay madawat nga sweldo o benepisyo, isip timaan sa ang usa ka hugot nga pasidaan.
Gibutyag sa mambabalaod nga si Representative JC Abalos nga daghang nalapas sa balaod si Barzaga lakip na sa integridad ug dungog sa kamarabaha.
Subay niini gimanduan sa komitaba si Barzaga nga papason ang tanang na-post niini sa social media sulod sa 24 ka oras.
Human sa gipagula ang maong rekomendasyon, mitubag si Barzaga sa plenaryo ug gisulti nga kasingkasing niining dawaton ang desisyon sa komite.
Dugang pa sa kongresista, kinahanglan manubag si President Marcos sa iyang mga krimen. Aduna matud pay 29 ka kongresista gikan sa National Unity Party ang nireklamo batok kang mambabalaod.
Busa, gihisgutan sa plenaryo ang ethics complaint batok kang Barzaga.