Gidakop sa mga awtoridad sa Sri Lanka ang pipila ka mga indibidwal tungod sa ilegal nga pagtipig ug pag-hoard sa gasolina ug diesel taliwala sa kabalaka sa kakulang sa suplay tungod sa tensyon sa Middle East.
Lakip sa mga insidente ang pagdakop sa usa ka 46-anyos nga negosyante nga adunay 6,600 litro nga diesel ug 120 litro nga gasolina.
Sa Hambantota City, usa ka lalaki ang nadakpan human makumpiska ang dul-an 500 litro nga gasolina ug diesel sa iyang balay.
Sa Negombo, Puthukkudiyiruppu, ug Hingurakgoda, tulo ka lahi-lahi nga raid ang gihimo nga nagresulta sa pagkumpiska sa kapin 1,000 litro nga diesel sa usa ka bangka ug sa ubang deposito niadtong Marso 26.
Ang Walana Anti-Vice Squad ang nanguna sa operasyon kauban ang ubang units sa pulisya.
Nagpahimangno usab ang mga awtoridad sa Sri Lanka batok sa panic buying ug ilegal nga pagtipig sa petrolyo, human ipahugtan ang pagbaligya niini sa mga botelya ug lata.
Nagsugod na usab ang imbestigasyon sa mga gasolinahan nga gituohan nga nagtago sa ilang suplay.