Padayon ang pagkusog sa Tropical Storm nga Nuri gawas sa Philippine Area of Responsibility (PAR) samtang nagpadayon ang epekto sa Northeast Monsoon sa Luzon ug Visayas.
Tungod niini, gilauman ang matugnaw nga panahon ug mga pag-ulan sa pipila ka bahin sa nasud.
Sa laing bahin, ang ikog o trough sa maong tropical storm nakaapekto na usab sa sidlakang bahin sa Mindanao nga mahimong magdala og mga pag-ulan, kilat, ug dugdog.
Ang Tropical Storm Nuri katapusang nakit-an sa gilay-on nga 1,290 km silangan sa Eastern Visayas.
Aduna kini kakusgon sa hangin nga 65 km/h duol sa sentro ug pagbugso nga moabot ngadto sa 80 km/h.
Ang bagyo hinay nga naglihok padulong sa direksyong habagatang paingon sa kasadpan. Kon mosulod na kini sa PAR, hatagan kini og lokal nga ngalan nga “Butchoy” isip ikaduhang dautang panahon sa tuig 2026.