Nadiskubrehan sa mga tigdukiduki sa Argentina ang usa ka bag-ong klase sa buaya nga ginganlan og Kostensuchus atrox, usa ka carnivorous nga matang nga nabuhi kapin 70 milyones ka tuig na ang nakalabay.
Gituohang kini mokaon og mga sakto kadak-on nga dinosaur ug usa sa mga nangibabaw nga predator sa yuta niadtong panahona.
Ang maong buaya usa ka miyembro sa nahanaw nga pamilya sa Peirosauridae ug nadiskubrehan sa El Calafate, Santa Cruz, pinaagi sa mga paleontologist nga sila Fernando Novas ug Diego Pol, uban sa ilang mga kauban gikan sa Japan.
Lakip sa mga nahukay ang halos kompleto nga bungo nga 50 sentimetro ang gitas-on, ug dagkong parte sa kalansay niini.
Ang bag-ong klase sa buaya lahi sa mga buaya karon tungod kay kasagaran kini mabuhi sa yuta imbes sa tubig.
Ang bagolbagol niini mas mubo, lapad, ug lig-on, nga naghatag ug abilidad nga makadakop og mas dagkong sa prey.
Duna kini kapin sa 50 ka hait nga ngipon, nga ang uban moabot og 5 sentimetros, nga hinimo aron epektibo nga makahiwa sa unod.
Usa kini ka talagsaong diskobre nga naghatag ug mas lawom nga pagsabot sa klase-klaseng hayop nga nabuhi sa karaang panahon.