Nakakuha og reaksyon online ang leather bag ni Senadora Imee Marcos nga iyang dala atol sa hearing bahin sa mga giingong anumalya sa flood control projects tungod kay kini porma og buaya.
Nahitabo kini panahon sa unang regular session sa Senado ubos sa 20th Congress diin adunay isyu sa maanumalya ug klarong korapsyon sa proyekto sa flood control.
Walay opisyal nga pamahayag gikan kang Marcos kabahin sa bag, apan gikuninitan na kini sa netizens nga nagpakita og lain-laing reaksyon online ilabi na nga ang gihisgutan mao ang korapsyon.
Daghan usab ang nangutana kon timailhan ba kini, tinuyo, o aksidente lang.
Alang sa uban, nahimong trending ang eksena kay bisan sa iyang fashion dili gihapon malimtan sa senadora ang pagdala og estayl nga makadani og atensyon.
Apan alang sa uban, usa ra kini ka simpleng coincidence nga dili na angayng pasobrahan.