Gipasabot ni Atty. Harry Roque nga walay sayop sa paggamit ni Bise Presidente Sara Duterte sa mga alyas sama sa “Piattos” sa paggamit sa iyang confidential funds.
Matud ni Roque, usa ka abogado ug kanhing tigapamaba sa Malacañang atol sa administrasyon ni kanhi presidente Rodrigo Duterte, nga legal ug nasabtan sa balaod ang paggamit og alyas o code names sanglit maghisgot sa mga sensitibong operasyon, labi na kung may kalabotan sa seguridad sa nasud.
Kasagaran nang naandan nga og adunay intelligence o surveillance operations, dili gyud gamiton ang tinuod nga ngalan sa tawo, grupo, o lugar, matud pa ni Roque. Ang paggamit sa ngalan nga ‘Piattos’ dili pasabot nga dula-dula lang ang operasyon.
Taktika kana sa pagpanalipod sa identidad sa giimbestigahan o giatiman nga isyu.
Ang maong isyu milungtad human gikwestyon sa mga kritiko ang paggamit ni VP Sara sa confidential funds human sa pagpagawas sa Commission on Audit (COA) reports nga naghisgot sa walay klaro nga pagdetalye sa paggasto niini, lakip na ang paggamit sa mga alyas sa mga dokumento.
Apan giinsister ni Roque nga ang confidentiality ug paggamit og code names “standard practice” sa mga ahensya sa gobyerno nga naglihok batok sa seguridad nga hulga o intelligence gathering. Ang confidential funds dili man gyud na para ipublikar ang tanang detalye.
Maong gitawag nga confidential, dugang pa ni Roque.