Giuyunan sa Commission on Elections (COMELEC) sa Malaybalay City ang gisugyot nga ordinansa sa konseho kalabot sa pagbahin sa Barangay Casisang ngadto sa duha nga barangay nga pagatawgon og Upper Casisang ug Lower Casisang.
Sa pakighinabi sa Bombo Radyo Malaybalay kang Atty. Danilo N. Dividina, Election Officer sa COMELEC-Malaybalay, gisulti niini nga gikinahanglan na gyud ang pagbahin sa maong barangay tungod sa kadako niini ug sa sobra na nga populasyon.
Matud pa niya, mikabat na sa kapin 15,000 ka rehistradong botante ang Barangay Casisang, hinungdan nga angay na kini tungaon alang sa mas episyenteng pagdumala ug serbisyo.
Dugang pa ni Atty. Dividina, mas maayong himuong duha ka barangay ang Casisang aron mahatagan og igong pagtagad ang serbisyong publiko.