Miabot na sa 94,228 ka tawo ang apektado sa padayon nga pag-alboroto sa Bulkang Kanlaon sa Negros Island, base sa datos sa Department of Social Welfare and Development (DSWD).
Sumala sa Disaster Response Operations Monitoring and Information Center (DROMIC) sa DSWD, 5,940 ka indibidwal ang kasamtangang nagpuyo sa mga evacuation center, samtang 10,621 ang mipuyo sa temporaryo sa ubang lugar.
Naitala usab nga 5,031 ka panimalay ang adunay gamayng nadaot tungod sa kalihukan sa bulkan.
Nahatag usab ang DSWD og ayuda nga nagkantidad og ₱192.7 milyon alang sa mga apektadong pamilya.
Sa pikas bahin, sumala sa Philippine Institute of Volcanology and Seismology (Phivolcs), napulo (10) ka volcanic earthquakes ang natala sa palibot sa Kanlaon, ug 1,590 ka tonelada sa sulfur dioxide ang nabuga niadtong Sabado, Hulyo 5, diin ang asupre mitaas hangtod 650 metros gikan sa bungbong sa bulkan.
Anaa sa Alert Level 3 sa kasamtangan ang status sa Kanlaon diin nagpasabot nga adunay magmatic unrest ug posibilidad sa mas kusog nga pag-erupt.
Girekomenda sa Phivolcs ang paspas nga pag-evacuate sulod sa 6-kilometer radius danger zone ug gibawal ang paglupad sa mga eroplano duol sa bulkan.
Gipasidan-an usab ang publiko batok sa mga hulga sama sa kalit nga pagbuto, pagguwa sa lava, pag-ulan sa abo, pagkahulog sa mga bato, ug pyroclastic flow.