Gibutyag sa Philippine Economic Zone Authority (PEZA) nga misaka og doble gikan Enero hangtod Abril ang mga naaprobahan nga mga investments sa Pilipinas.
Tungod niini mabutang kini isip usa ka kompetitibong destinasyon alang sa mga investors.
Mokabat sa P63.52 billion ang na naaprobahan nga mga investments nga na rekord sugod Enero hangtod Abril.
Ang South Korea usa sa top source sa investment nga miangkon og P10.45 billion.
Ang mga major investors lakip ang United States, China, Japan, Hong Kong and Singapore nakahatag og dakong bahin sa mga investments sa Pilipinas.
Ang pipila ka mga proyekto o mga investments gilangkuban sa export manufacturing, information technology – business process management, facilities ,utilities, logistics ug domestic market diin ipahimutang sa mga lugar sa National Capital Region, Cordillera Administrative Region, Central Luzon, Calabarzon and Central Visayas.
Gilauman kini nga maka hatag ug 9000 ka mga trabaho og makahatag og dakong bahin sa exportasyon.