Gipadad-an og subpoena ang 8 ka mga kontraktor nga wala mitambong sa Senate hearing. Kini human wala mitunga ang mga contractors nga gipatawag alang sa pagdungog kabahin sa ghost flood control projects.
Ang subpoena nagpasabot nga obligadong mutambong sa sunod nga hearing ang maong personahe aron atubangon ang mga isyu ug muhatag og klarong tubag sa mga kontrata ug performance sa mga kalihukan kavahin sa proyekto.
Gisaway sa mga senador ang ilang kawalay respeto sa imbitasyon ug giingong dili makatarunganong pasagdan lang kini, labi na ang maong proyekto ginundohan sa buhis sa katawhan.
Samtang pipila sa mga kontraktor nga mitunga sa pagdungog kagahapong adlawa ang gipatubag sa pangutana sa senado ug usa niini si Allan Quirante sa QM Builders, diin gipangutana ni Sen. Win Gatchalian kabahin sa isyu.
Gikatakdang ipatawag pag-usab ang hearing, ug gilauman nga magpakita ang mga contractors aron tubagon ang mga isyu nga gipangsang-at batok kanila.
Samtang nahimong mainiton usab ang panagbangi tali ni Blue Ribbon Committee Chairman nga si Sen. Rodante Marcoleta ug Allan Quirante sa maong isyu.