Wala pay klarong kumpirmasyon ang International Criminal Court kon (ICC) nga adunay gipagawas nga arrest order batok kang Senator Ronald “Bato” dela Rosa.
Kini ang gibutyag ni ICC Assistant to Counsel Atty. Kristina Conti. Matod ni Atty. Conti, sa dokumento nga gisumite sa ICC sa pre-confirmation stage, adunay walo ka indibidwal nga gilista nga “co-perpetrators” ni kanhi Presidente Rodrigo Duterte.
Apan kini redacted o gitabunan ang mga ngalan sa maong listahan.Bisan pa man gitabonan, adunay pipila ka indikasyon sa dokumento nga naghulagway nga ang mga apil sa listahan kay mga police officers rason nga posibleng konektado kini sa grupo ni Duterte sa dihang nagpatuman og kampanya kontra iligal nga droga.
Kasamtangan, naghulat pa ang legal team ug ang publiko sa opisyal nga klaripikasyon sa ICC bahin sa posibleng arrest orders nga may kalabutan sa imbestigasyon sa drug war sa Pilipinas.