Giila sa Baguio City Police ang upat ka kadete sa Philippine Military Academy (PMA) nga giingong nalambigit sa usa ka insidente sa hazing sulod sa akademiya.
Adunay duha ka mga suspetsado gikan 4th Class cadet, samtang ang duha niini anaa sa 1st Class ug 2nd Class.
Sumala sa imbestigasyon, ang biktima usa usab ka 4th Class cadet nga nakasinati og physical abuse ug pagpakaulaw gikan Setyembre 2 hangtod Setyembre 29, 2024.
Matud sa kapulisan nga dili usa lang ka higayon apan balik‑balik kining nahitabo sulod sa barracks, lakip ang pagsumbag ug sobra nga silot, nga miresulta sa pagka-collapse sa biktima tungod sa grabe nga kakapoy.
Kahinumduman, nga niadtong Setyembre 29, 2024 human nga nasumbagan ang biktima diin nga hapit nawad-an kini og panimuot hinungdan nga gidala dayon kini sa usa ka ospital sa Quezon City alang sa medikal ug sikolohikal nga pagtambal.
Nailhan usab nga gibalhin ang biktima sa PMA Station Hospital ug napauli niadtong Hunyo 30, 2025.
Sa kasamtangan, wala mihatag og pahayag ang AFP ug PMA kabahin sa maong insidente