Nagpabilin ang pagkuso-kuso sa bagyong Crising samtang nagalihok kini padulong sa amihang-kasadpan nga direksyon, duol sa kadagatan sa Baler, Aurora.
Base sa pinakaulahing taho nga natala sa PAGASA (Philippine Atmospheric, Geophysical and Astronomical Services Administration), nasiplatan ang sentro sa bagyo 460 kilometro sa sidlakan sa maong lugar.
Kini adunay gikusgon nga hangin nga 55 kilometros matag oras (kph) nga muhapak og 70 kph matag takna.
Nagalihok kini sa 15 kph sa amihang-kasadpan, ug gilauman nga mutungha sa mainland Cagayan o sa Babuyan Island sa hapon karong adlawa, Biyernes, Hulyo 18.Gikatakda nga mugawas sa Philippine Area of Responsibility (PAR) ang Bagyong Crising sa hapon o gabii sa Sabado, Hulyo 19.
Giapanghimangnoan ang katawhan nga magpadayon sa pagpaminaw sa mga advisory sa PAGASA ug mag-amping batok sa posibleng pagbaha ug landslide ilabi na sa mga lugar nga delikado sama sa mga taas nga lugar diin sagad ang paghdahili sa yuta.
Sa pagkakaron giisa ang signal number 1 sa 21 ka lugar sa nasud didto sa Abra, Apayao, Isabela, Batanes, Cagayan, Babuyan Islands, Ilocos Norte, Ilocos Sur, Kalinga, Mountain Province, Ifugao, Benguet, Quirino; Dilasag, Casiguran, Dinalungan, Dipaculao, Baler, Maria Aurora sa Aurora. Lakip usab ang Nueva Vizcaya; San Nicolas, Natividad, San Quintin, San Manuel, Tayug, Sison, San Fabian, Pozorrubio, Laoac, Binalonan, San Jacinto, Manaoag, Mangaldan, Dagupan City, Binmaley, Lingayen, Labrador, Sual, City of Alaminos, Bolinao, Anda, Bani, Agno, Burgos, Mabini, Dasol, Calasiao, Santa Barbara, Mapandan, Bugallon sa lalawigan ng Pangasinan; Carranglan at Pantabangan sa northern portion ng Nueva Ecija; Polilio Islands, Camarines Norte; Caramoan, Garchitorena, Lagonoy, San Jose, Presentacion, Tinambac, Sirum, Goa sa Camarines Sur; Catanduanes.
Sa kasamtangan, daghang lugar sa nasud ang kanselado ang klase aron masiguro ang kahimtang ug kaluwasan sa mga estudyante ug magtutudlo gumikan nagpadayon ang pag-ulan ug kusog nga hangin nga dala sa Bagyong Crising, ilabi na ang mga lugar nga apektado sa bagyo ilawom sa alert level, samtang nagpagawas usab ang PAGASA ug bag-ong datos nga gisaka na sa sa Tropical Cyclone Wind Signal (TCWS) No. 2 ug No. 1 sa ubang lugar sa Luzon gumikan sa pagpadayon sa duol sa yuta sa Bagyong Crising.