₱170,000 nga shabu nasakmit, upat ka suspek nasikop sa Maramag buy-bust operation

₱170,000 nga balor sa gituohang shabu ang nasakmit sa mga otoridad, lakip ang pagdakop sa upat ka indibidwal sa buy-bust operation sa milabayng adlaw sa Barangay South Poblacion, Maramag, Bukidnon. Giila sa kapulisan ang mga suspek sa mga alyas nga Candy, Popot, Biboy, ug Charlie, ug nasakmit gikan kanila ang 25 gramos nga shabu. Nakakustodiya na ang mga dinakpan ug pasakaan og kaso ubos sa Republic Act 9165.