Miatras ang Estados Unidos isip usa sa pinaka-aktibong donor sa World Health Organization.
Gumikan niini, naningkamot ang maong ahensya nga palig-unon ang organisasyon bisan paman sa kahimtang nga giatubang diin posibleng mukunhod ang pondo hinungdan sa pagbaklas sa America sa maong responsibilidad.
Sa pagkakaron, anaa pay pondo ang WHO nga budget sa 2024-2025 nga mikabat og $6.8 billion, apan gilauman nga mokunhod kini sa tuig 2026-2027.
Posibleng musamot matud pa ang kalisod sa panalapi sa WHO human pormal nga gisugdan ni U.S. President Donald Trump ang proseso sa pagbiya sa organisasyon. Wala na usab mibayad ang Amerika sa ilang membership fees sa 2024 ug 2025.
Ang maong panghitabo usa ka dakong hagit sa organisayon labi na sa padayon pang pagpangandam ug pagpugong sa pagkaylap sa monkeypox (MPOx) diin nanginahanglan kini og igong pondo alang sa medisina ug mga ekipo.