Walay maapektuhan nga serbisyo sa PNP human sa pagkatangtang kang Torre III – DILG

Gipasabot ni DILG Secretary Jonvic Remulla nga magpadayon ang mga programa sa Philippine National Police (PNP) bisan pa sa pag-tangtang sa pwesto sa kanhi PNP Chief Gen. Nicolas Torre III.

Matod ni Remulla, buot pasabot nga dili maapektuhan ang mga serbisyo sa PNP sama sa 911 hotline lakip ang 5-minute response rule. Gibutyag usab niini nga ang pagtangtang kang Torre desisyon mismo sa Presidente ug dili tungod sa bisan unsang paglapas.

Si Lt. Gen. Jose Melencio Nartatez Jr. nga gipuli isip Officer-in-Charge mopadayon sa nasugdan nga mga programa ug misaad sa pagtuman sa mga direktiba sa Pangulo.