Wala misipot si Vice President Sara Duterte sa ikaduhang preliminary investigation sa Department of Justice (DOJ) gahapong adlaw nga may kalabotan sa mga reklamong inciting to sedition ug grave threats nga gisampa batok niya sa National Bureau of Investigation (NBI).
Kahinumduman nga ang mga reklamo mitumaw human lantarang gipahayag sa bise presidente ang hulga sa kinabuhi ni President Ferdinand “Bongbong” Marcos Jr, First Lady Liza Araneta-Marcos, ug House Speaker Martin Romualdez kon adunay dautang mahitabo kaniya apan sumala sa iyang mga abogado nga sila Atty. Michal Poa ug Atty. Paul Lim, dili gikinahanglan nga personal nga motambong si VP Duterte sa maong pagdungog.
Gikatakda lang nga ang NBI ang mopasa og reply gahapon, human nagsumite na ang kampo ni Duterte og counter affidavit sa miaging semana aron ipasabut ang iyang panig.Tungod niini, ang iyang mga abogado ra ang mitambong sa ikaduhang preliminary investigation sa DOJ