Posibleng dalion ug ibalhin ang venue sa ipahigayong closing program sa palarong Pambansa 2025 gumikan sa hulga sa dili maayong panahon.
Gisusi na karon sa mga opisyal sa Palaro ug lokal nga pagamhanan ang posibilidad sa pagbalhin sa lugar diin ipahigayon ang seremonyas sa pagtapos sa maong kalihukan.
Kini aron masiguro ang kaluwasan sa tanang partisipante ug mananambong. Gikatakda unta kini buhaton sa open-air venue, apan base sa weather forecast, posible nga makaapekto ang kusog nga ulan o bagyo hinungdan sa unstable condition sa panahon.
Sumala sa organizers, andam sila nga magpatuman og contingency plan ug mangita og mas luwas nga alternatibong venue, lakip ang mga indoor arenas o gymnasiums nga makasugakod sa kalikupan.
Kabahin niini, gipaabot ni Gov. Matthew Marcos Manotoc, nga sa kasamtangan wala matud pay natala nga mga kakulian sa pagkakaron apan padayon ang pagmonitor ug pagbantay sa mga otoridad aron masiguro ang kahimtang sa matag indibidwal ug suportado niini ang matag lakang labi ang Palarong Pambansa mahitungod sa mga potensyal nga kabag-ohan.