Gisaway sa usa ka residente ning syudad ang ginahimo karon nga mga lakang sa gobyerno, hilabi na ang gikaingon mas pagtutok sa isyu sa impeachment batok kang Sara Duterte kaysa sa ubang mas hinungdanong problema nga gikinahanglan gilayong sulbaron sa nasud.
Matud ni Rey Ampto, residente Barangay San Jose, ning dakbayan, nga dili angay nga mas iprayoridad ang impeachment batok sa bise-Presidente tungod mas daghang isyu ang angay hatagan atensyon sa kagamhanan.
Gihisgutan niini ang padayon nga problema sa korapsyon, hilabi na sa mga proyekto sa flood control.
Gibutyag usab ni Ampto, ang pagkadismaya sa kasamtangang administrasyon ni Ferdinand Marcos Jr., nga sumala pa wala makabati og tin-aw nga kausaban o kalamboan sa panginabuhi sa kadaghanan.
Dugang pa niini, nga ang mga saad sa kagamhanan wala natuman ug ang kasinatian sa katawhan nagpabiling lisod, nga gihulagway nga puno sa pamakak ug kakulang sa tinuod nga aksyon alang sa kaayohan sa nasud.