Duna nay person of interest ang kapulisan kalabot sa pagpamusil patay sa usa ka mekaniko gahapong adlawa sa Purok 1, Barangay Batangan, syudad sa Valencia.
Giila ang biktima nga si Casimer Sacayle Absin, 30 anyos, minyo, mekaniko, ug residente sa Barangay Mabuhay, San Fernando ning lalawigan.
Matud ni PMaj. Jayvee Babaan, tigpamaba sa Bukidnon Police Provincial Office, kauban sa biktima ang gikaingong uyab niini nga batan-on sa dihang gipusil sa kini sanahisgutang lugar.
Gideklarang dead on the spot ang biktima.
Nasayran nga dunay 30 ka samad pinusilan ang biktima hinungdan sa iyang hinanaling kamatayon.
Nakita usab sa mga otoridad sa lugar sa insidente ang 15 ka basiyo sa bala. Sa pagkakaron, dunay mga anggulo ang kapulisan sama sa love triangle, kaso sa frustrated murder, illegal nga droga ug uban pang mga posibleng anggulo sa krimen.