Naghimo og unang direktang panag-istoryahanay ang mga negotiator tali sa Ukraine ug Russia karong gahapong adlawa sa siyudad sa Istanbul.Kini nga pagpanghitabo misunod human sa kapin tulo ka tuig sukad misugod ang giyera tali sa duha ka nasud.
Ang maong miting gipahigayon sa Dolmabahce Palace duol sa Bosphorus ug giila kini nga usa ka senyales sa diplomatic progress tali sa duha ka panig, nga wala pa gyud nag-atubangay sukad niadtong Marso 2022.
Ang US isa sa mediator nga nag lihok ug sumala pa ni US State Department Director of Policy Planning Michael Anton aron magrepresentar ang Amerika sa maong panagtagbo.Sa bahin sa Ukraine, gidelegar ni President Volodymyr Zelensky ang iyang team nga gipangulohan ni Defense Minister Rustem Umerov, uban ang mga deputy heads sa Ukrainian Intelligence Services, deputy chief sa military general staff, ug deputy foreign minister.
Ang delegasyon sa Russia gipangulohan ni Kremlin aide Vladimir Medinsky, kauban ang deputy defense minister, deputy foreign minister, ug head sa military intelligence.Matod sa Turkish Foreign Ministry, gipahigayon ang trilateral meeting tali sa mga opisyal sa Turkey, US ug Ukraine kauban si US Secretary of State Marco Rubio niadtong alas-3:45 sa hapon (oras sa Pilipinas).
Gisundan kini og panag-istorya tali sa mga delegasyon sa Russia ug Ukraine, kauban ang mga opisyal sa US ug Turkey, niadtong alas-5:30 sa hapon (oras sa Pilipinas). apan ubos ang paglaum nga adunay dako nga breakthrough sa peace talks tali sa Ukraine ug Russia, human ipadayag ni US President Donald Trump nga walay gilauman nga progreso hangtod wala pa sila nagkakita ni Russian President Vladimir Putin.