Uganda, andam sa pagdawat sa mga asylum seekers nga gisalikway sa US

Mitugot na ang gobyerno sa Uganda sa pagdawat sa mga asylum seekers nga gisalikway sa US.

Matud sa Ministry of Foreign Affairs sa Kampala, ang kasabutan gibase sa kondisyon nga ang mga asylum seekers gikan sa mga third world country nga wala’y bisan unsang kriminal rekord.

Sa kaso sa mga menor de edad, kinahanglan nga ubanan matud pa kini sa mga hamtong sa pangedaron.

Gibanabana nga adunay 1.7 ka milyon nga mga migrante, diin ang Uganda maoy nag-host sa pinakadako nga populasyon sa Africa.

Kahinumdoman nga gitakdang ipa-deport ni US President Donald Trump ang pipila ka milyon nga mga undocumented immigrants.