Gikumpirma ni Renante Okit, Chairman sa Barangay Patpat nga tinuod ang gibulgar ni Malaybalay City Mayor Warren Jay Pabillaran mahitungod sa isyu nga dunay mga tubo sa tubig sa Barangay Patpat, apan wala matud pay tubig nga muagas.
Gibutyag ni Kap. Okit nga gikan tuig 1995 hangtod 2021, gobyerno matud pa ang naghupot sa suplay sa tubig sa tibuok lsyudad.
Apan, gibalhin kini sa Prime Water hangtod ning tuiga, mahitungod kulang ang pondo ug suplay sa tubig ang local nga panggamhanan gumikan sa nagkadaghang ihap sa mga residente sa syudad.
Wala matud pa kini nagdahom nga dili maayo ang serbisyo sa Prime Water isip water service provider sa tibuok siyudad.
Sumala pa ni Okit, hinay ang tubig sa ilang barangay ug panagsa mapalong kini hilabi na og muulan, mapalong kini sa pipila ka adlaw.
Dugang pa niini, mismo ang mga residente na lang ang gabuhat og inisyatiba aron dunay tubig nga magamit pinaagi sa pagsag-ob og tubig sa balon.
Bisan pa man sa maong lakang,dili matud pa gihapon igo ang tubig sa balon alang sa tanang kabalayan sa barangay.
Kahinumduman nga laraw ipatawag ni Mayor Pabillaran ang mga board of directors lakip na ang mga mipirma sa joint venture sa Water District ug Prime Water gumikan daghanang ihap sa mga residente matag barangay sa siyudad ang wala naserbisyuhan sa proyekto gumikan di matud pa makahilabot ang gobyerno tungod usa kini ka pribadong kompanya.