Trump, nagbahad sa pagsilot og kamatayon sa bisan kinsang mupatay sa nasud sa America

Nagbahad ang Presidente sa Estados Unidos nga si Donald Trump nga pahamtangan og silot nga kamatayon ang bisan kinsa nga malambigit sa mga pagpatay sa Washington, D.C.

Matud pa ni Trump, atol sa gipahigayon nga panagtigom uban ang mga miyembro sa iyang gabinete, gibutyag niini nga posibleng “preventive” measures  lamang ang maong plano.

Kahinumdoman, nga nagpakatag si Trump og mga National Guard sa Washington, D.C. gumikan sa padayon nga pagdaghan sa mga kriminalidad.

Apan ang maong pahayag ni Trump gikontra lamang ni Washington Mayor Muriel Bowser og miluwat kini nga mikunhod ang krimen sugod pa niadtong 2023.