Nagpahimangno ang Presidente sa US nga si Donald Trump kaniadtong Martes nga kulangan ang pondo sa Smithsonian Institution, usa ka museyo ug sentro sa kasaysayan ug kultura sa Amerika, tungod sa giingong pagpakaylap sa “anti-American ideology.”
Giakusahan niini ang Smithsonian nga giingong nagpasiugda og negatibo nga panglantaw sa kasaysayan sa Amerika, hilabi na sa mga isyu nga may kalabutan sa pagkaulipon.
Base sa post ni Trump sa iyang Trust Social, gimandoan niini ang iyang mga abogado nga sugdan ang susamang proseso nga gihimo sa mga kolehiyo nga “tremendous progress.”
Matud sa White House, nga maglunsad kini og internal nga pagtuki sa daghang mga museyo sa Smithsonian human sa mga alegasyon ni Trump.
Samtang, gikondena sa Civil Rights Advocate Group ang lakang ni Trump ug miluwat nga ang Smithsonian adunay kagawasan sa paghimo og mga desisyon bisan kung nakadawat pa kini og pondo gikan sa Kongreso.
Kahinumdoman nga sa bag-ohay nga mga bulan, si Trump nag-isyu usab sa susamang mga hulga sa pagkulang sa pondo sa mga unibersidad tungod sa mga isyu sa mga protesta batok sa panagbangi sa Gaza, mga polisiya sa transgender, ug mga programa sa patas.