Gipasiugda sa Bukidnon State University (BukSU) ang insaktong preparasyon sa mga estudyante sa natad sa nursing pinaagi sa hugot nga selection process aron masiguro nga mamahimong kompetitibo ug propesyunal ang mga mamahimong nurse sa umaabot.
Matud ni Dr. Fatima Tanzo, Department Chairperson sa College of Nursing, BukidnoN State University nga walay perpektong pamaagi aron magtop sa board exam ang eskwelahan.
Apan pinaagi sa kakugi ug determinasyon sa mga estudyante posible maabot ang kalampusan.Gipasabot ni Dr. Tanzo nga sa panahon pa lamang sa enrollment, ginahimo na ang pagpili sa “cream of the crop” pinaagi sa ilang admissions screening diin kinahanglan makakuha ang estudyante ug 80 porsiyento pataas sa College Admission Test aron maka enrol sa programa.
Nahitabo kini sa kasamtangang kalampusan sa BukSU nga Rank No. 1 sa bag ohay lang gipagawas nga Nursing Licensure Examination (NLE) ug nakaproduce og duha ka topnotchers usa sa Top 5 ug usa sa Top 10.
Dugang pa ni Dr. Tanzo nga dako ang iyang pasalamat sa faculty, staff ug mga estudyante sa pagpadayon nga kalampusan sa tunghaan.
Gipahinumdoman usab niini ang mga bag-ong nakapasar sa board exam nga ang pag-nursing dili lang usa ka trabaho kundi usa ka dedikasyon sa pag alagad ug pagluwas og kinabuhi.