Patay ang usa ka tigulang human gipusil sa wala mailhing suspect sulod sa iyang panimalay sa Purok 10C, Brgy. 1, Malaybalay City, pasado alas 8:00 sa gabii, kagahapong adlawa. Gidala pa kini sa balay tambalanan ang biktima nga si Felix Sabuero Sr., 73 anyos, baló ug walay trabaho, apan wala na kini matabang human makadawat ug duha ka igo sa bala—usa sa tuo nga dughan ug usa sa tuo nga likod na bahin niini.
Matud sa mga silingan, nakadungog sila ug duha ka buto sa armas atol sa insidente. Sa inisyal nga imbestigasyon, gipusil sa makaduhang higayon ang biktima samtang nagkaon ug panihapon.
Alerto pa kini sa pagresponde sa mgaotoridad apan naglisod na ug istorya tungod sa kasakit sa igo. Nakuha sa crime scene ang duha ka basyo sa bala nga gituohang gikan sa kalibre .45 nga armas.
Nagpadayon ang checkpoint ug hot pursuit operation sa Malaybalay CPS aron masikop ang suspect.