Napalgan nga walay kinabuhi ang usa ka lalaki nga gituohang gisunog sa Purok 2B, Barangay Aglayan ning syudad kaganihang buntag.
Matud sa mga residente, ilang nadungog ang kusog nga boto kaganihang kadlawun apan gibaliiwala lamang kini gumnikan kay dili matino kon gikan sa armas ang ilang nadunggan nga miboto.
Diin pila ka takna ang milabay daunay sunog nga lawas sa usa ka tawo ang nakit an daplin sa dalan sa lugar.
Sumala sa residente nga si Rosaly Sajulga, usa ka balot vendor sa lugar, giila niya ang biktima nga usa ka lalaking sagad makita nga naglatagaw sa Aglayan ug giingong adunay deperensya sa pangisip.
Matud pa niya, kasagaran makit-an ang maong lalaki nga nagdala og botelyang mineral nga puno og gasolina ug usahay makitang nagpanghaling o nagdala og kahoy nga binugha.
Nakita pa niini ang tsinelas ug medyas nga kanhi gisul-ob sa biktima, rason nga gituohan nga mao kini ang maong indibidwal.
Bisan wala pay opisyal nga pagkaila gikan sa mga otoridad.
Apan sa pakighinabi sa Bombo Radyo kang Timario T. Miasco, BPSO sa Barangay Aglayan, wala pa matino ang maong mga balita nga mikuyanap gumikan nakita matud pa nila karong adlawa ang gikaingong indibiduwal nga adunay deperensya sa pangisip.
Sa pagkakaron, padayon ang imbestigasyon sa kapulisan aron masuta kon adunay posibilidad nga foul play sa maong insidente.
Matud sa tigpamaba sa Malaybalay Police Station nga si Executive Master Sargeant Ken Hanzel Bughaw, walay nakita nga samad o pinusilan sa lawas sa biktima o timailhan nga gihigtan kini busa padayon pang gitutokan ang motibo sa kamatayon niini.
Dugang pa niini nga adunay pipila ka mga anggulo pa ang gilantaw ilang imbestigasyon.