Taiwan, gipalapdan ang civil defense isip pagpangandam sa posibleng pag-atake sa China

Gipalapdan sa nasud sa Taiwan ang ilang civil defense pinaagi sa mga pagbansay batok sa posibleng pag-atake sa China.

Gidungan kini kauban sa dagkong war games sa Taiwan o gitawag nga tinuig nga ehersisyo sa Han Kuang.

Kabahin sa aktibidad ang pagpatingog sa sirena diin managan ang mga tao sulod sa mga building, lakip usab niini ang mga sakyanan nga manghunong.

Gibarugan sa China nga ang isla sa Taiwan kabahin sa teritoryo niini.

Misamot ang init nga panagbangi human nga napili si William Lai isip presidente sa Taiwan, kansa giisip sa China nga “separatist”.