Taas nga opisyal sa Hezbollah, napatay sa airstrike sa Israel sa Lebanon

Gipasigarbo sa Israel nga malampuson ang ilang gihimong airstrike sa Beirut, Lebanon.

Sumala sa Israel Defense Forces (IDF), ilang napatay sa maong pag-atake si Haytham Tabtabai, ang chief of staff sa Hezbollah.

Sa sama nga insidente, lima pa ang namatay ug 25 ang nasamdan.

Gipahigayon ang airstrike human sa usa ka tuig sukad natapos ang ceasefire tali sa Hezbollah ug Israel.

Matud ni Israeli Defense Minister Israel Katz nga buhaton nila ang tanan aron mapapas ang hulga batok sa mga residente sa Israel.