Dako ang papel sa sworn affidavit sa whistleblower nga si Sgt. Orly Guteza sa Senate Blue Ribbon Committee bahin sa flood control anomaly. Matod ni DPWH Secretary Vince Dizon, kini nga affidavit nagpalig-on sa rekomendasyon sa Office of the Ombudsman nga pasakaan og kaso si kanhi House Speaker Martin Romualdez ug kanhi Ako Bicol Rep. Zaldy Co.
Gibutyag ni Dizon nga para sa abogado sa Independent Commission for Infrastructure (ICI), ang gisaaran nga pahayag ni Guteza supak sa video nga gihimo ni Zaldy Co nga wala man gisaaran. Dugang pa, ang affidavit mahimong dugang ebidensya sa tanan nilang gisumite sa Ombudsman bahin sa mga giingon nga kontrata sa mga kongresista. Matod pa, giangkon ni Guteza nga adunay iyang gideliver nga male-maletang “basura” o kwarta, nga tulo ka higayon nadala ngadto sa balay ni Co ug Romualdez.
Gidudahan ang kredibilidad ni Guteza human nga mogawas ang reklamo sa falsification, tungod kay giingon nga peke ang pirma sa notaryo sa iyang gisaarang pamahayag. Apan dayun kaning gihimakak sa Philippine Navy ang alegasyon nga gitago nila ang “surprise witness” nga si Guteza, nga hangtod karon wala pa gihapon nagpakita.