Suspek sa pagpatay sa kanhi Prime Minister sa Japan, gihukman og walay kagawasang pagkabilanggo

Gipahamtangan og walay kagawasang pagkabilanggo ang suspek sa pagpamusil patay sa kanhi Prime Minister sa Japan nga si Shinzo Abe.

Ang suspek nga si Tetsuya Yamagami una nang miangkon sa iyang sala niadtong miaging tuig human sa gipusil si Abe sa Nara City niadtong 2022.

Giingon sa abogado sa suspek nga biktima kini sa gitawag nga “religious abuse” gumikan sa grabe nga pagka-deboto sa iyang inahan sa Unification Church diin maoy hinungdan nga nahurot ang salapi ug kabtangan sa kinabuhi.

Nasayran sa suspek nga ang maong simbahan giingong gisuportahan ug gidumalaan sa kanhi prime minister, hinungdan nga nahimo ang maong krimen.