Surprise drug test alang sa tanang kawani  sa city government sa Malaybalay gilusad sa kagamhanan

Gipahigayon karong adlawa ang surprise drug testing sa tanang Casual ug Job Order personnel sa lokal nga panggamhanan sa Malaybalay City.

Una nga napailawom sa maong drug screening mao ang 275 ka Casual employees, samtang 2,370 ka Job Order workers ang nakahan-ay usab alang sa susamang proseso.

Gipahigayun ang drug test isip bahin sa requirements para sa renewal sa ilang trabaho sa LGU. Gumikan sa kadaghan sa mga kawani isip  Job Order, gilauman nga magpadayon ang testing sulod sa pipila  ka adlaw alang sa mga trabahante.

Ang lakang gihimo subay sa nahitabo niadtong Hunyo, diin usa ka Job Order ug regular employee sa LGU ang nadakpan atol sa  drug buy-bust operation dinhi sa syudad.