Nakapalagsik sa dugo sa mga mamumuo ang gi-file nga sugyot balaodnon ni Senador Tito Sotto nga maghatag og 14th month pay sa mga empleyado sa pribadong sektor niadtong Agosto 17, 2025, dugang sa kasamtangang 13th month pay.
Ang 13th month pay ihatag sa Hunyo 14, samtang ang 14th month pay ihatag sa Disyembre 24.
Sa pakighinabi sa Bombo Radyo Malaybalay kang Ray Talimio Jr. kanhi Co-Chairman sa Economic Development Committee sa Regional Development Council Region 10, nanawagan kini sa sponsors ug counter part sa lower house nga nanghinaot nga adunay mahatag nga incentives sa mga employers gumikan makadugang kini sa ilang mga galastuon isip negosyante ug employers.
Dugang pa ni Talimio, nga mahimo usab nga pinaagi sa tax credits aron dili ingun nga mabug-atan ang mga employers hilabi na ang mga bag-ong tukod nga mga kompanya.
Gisugyot usab niini, nga kinahanglan lantawon ang usab ang kabahin sa employer aron dili maapektohan ang mga negosyo ug ubang aspeto.
Samtang, adunay pagduda si Talimio, kung makaya ba kini nga palabangon gumikan daghan pa matud ang mga isyu nga mas gitutokan sa Kongreso.