Sugyot balaodnon batok AI-generated fraud gisang-at sa Kamara

Nagpasaka  si Parañaque Rep. Brian Raymund Yamsuan og sugyot nga balaodnon  aron pugngan ang AI-generated fraud pinaagi sa regulasyon sa paggamit sa deepfakes.

Ubos sa House Bill 3214 o Deepfake Regulation Act, protektado ang mga Pilipino batok sa paggamit sa ilang dagway, tingog, ug lawas nga walay pagtugot. Ang mga plataporma kinahanglan motangtang sa ilegal nga sulod sa 48 oras gikan sa reklamo.

Ang mokompisal sa paghimo, pag-apod-apod, o pagdumili pagtangtang sa deepfake nga sulod pagasilotan og duha hangtod lima ka tuig nga pagkabilanggo ug multa nga P50,000–P200,000. Ang plataporma nga dili motuman silotan og P50,000 matag adlaw.