Nagpasaka na og iyang counter-affidavit si Senador Joel Villanueva mahitungod sa reklamong malversation nga may kalabutan sa usa ka flood control project sa probinsya sa Bulacan.
Ang pagsumite sa maong dokumento kaniadtong Biyernes mas sayo pa sa gikatakda nga lugway o deadline sa Enero 26, human gihatagan sa prosecution panel ang senador og dugang panahon pinaagi sa iyang mosyon.
Sumala ni Department of Justice (DOJ) Spokesperson, Atty. Polo Martinez, nauna ang pagsumite sa maong dokumento sa dili pa ang gitakda nga pagdungog sa preliminary investigation karong Lunes.
Si Senador Villanueva nalakip isip usa sa mga respondent sa tulo sa unom ka mga kaso nga gipasaka nga may kalabutan sa mga construction firm nga Wawao Builders ug Topnotch Catalyst Builders, Incorporated.
Sa pagkakaron, ang tanan nga maong mga kaso nagpaubos pa sa preliminary investigation sa DOJ.