Gisaway ni Senador Rodante Marcoleta pinaagi sa usa ka privilege speech ang kampo ni Senador Panfilo “Ping” Lacson tungod sa giingong tinuyoan nga pag-edit sa usa ka video nga naglambigit niini.
Matud pa ni Marcoleta, ang maong video gipang-tipok gikan sa nagkalain-laing bahin sa transcript sa pamahayag niini ug gikuha gikan sa saktong konteksto aron lamang dauton ang iyang imahe.
Gipasabot sa senador nga ang pag-usab sa han-ay sa mga pulong niini, lakip na ang pagdugang sa pulong nagtumong nga pagawasnon nga nagkasumpaki ang baruganan bisan pa man dili kini ang tinuod.
Dugang pa niini, gibutyag ni Marcoleta nga misulat na kini kang Lacson aron mangayo og katin-awan sa maong hitabo, apan wala makombinsir sa tubag sa kaubang senador.
Matud ni Lacson, wala kini direktang kontrol sa pag-edit sa mga materyales nga gi-post sa ilang social media page, butang nga wala dawata ni Marcoleta.
Kahinumduman nga ang panagbangi sa duha ka magbabalaod nagsugod tungod sa init nga diskusyon kabahin sa isyu sa West Philippine Sea.