Nanumpa na si Senate President Francis ‘Chiz’ Escudero isip presiding officer sa impeachment court para sa kaso batok kang Bise Presidente Sara Duterte.
Gipahigayon ang panumpa human nga pormal nga nagpasaka og mosyon si Senate Minority Leader Aquilino “Koko” Pimentel nga angayan nang sugdan ang impeachment trial tungod sa daghang paglangan.
Gidawat usab sa Senado ang mosyon ni Senador Joel Villanueva nga ang tanang senador manumpa isip senator-judges sa impeachment trial alas kwatro sa hapon gahapong adlawa. Magsugod ang opisyal nga impeachment court session sa Hunyo 11.
Kahinumduman nga niadtong Pebrero 5, nagpasaka og impeachment complaints ang House of Representatives batok kang VP Duterte tungod sa giingong “high crimes” sama sa korapsyon ug ang alegasyon nga plano matud niyang pagpapatay kang Presidente Ferdinand Marcos Jr.