Gisupak sa Sangguniang Panglungsod sa Malaybalay city ang pagtugot sa operasyon sa usa ka ride-hailing company diin una nang nag operate sa Cagayan de Oro City duha ka semana na ang milabay.
Gipresentar atol sa 22nd Regular Session sa konseho kagahapung adlawa ang plano sa Get-Go company pinaagi ni Joemari Deloso, executive director, matod pa na makahatag sa dugang oportunidad sa mga motorcycle, motorela, ug multicab drivers pinaagi sa ilang mobile application.
Gibutyag ni Deloso nga kon tugotan sila nga makasulod sa syudad , kinahanglan lamang nga ang mga commuters mo-download sa app aron maka-book og makapahimulos sa labing pas pas ug sayon nga transportasyon.
Gibutyag usab ni, ni Vice Mayor Litoy Marabe nga kinahanglan moabot og unom ka bulan ang operasyon sa kompanya sa Cagayan de Oro una pa sila makasulod denhi sa Malaybalay City. Giplano usab sa maong kompanya ang pagsulod sa kasikbit nga mga dapit sama sa Valencia City ug Maramag, Bukidnon.