Mipadayag si Caloocan City Rep. Egay Erice nga “basura” ang unang impeachment complaint batok kang Presidente Ferdinand “Bongbong” Marcos Jr.
Matod pa ni Erice, luya kaayo ang sulod sa reklamo ug halos wala’y lig-on nga ebidensya gawas sa mga news script nga nag-suporta sa giingong grounds. Giingon niya nga gidalidali sa Kamara ang pagproseso niini, nga gi-transmit dayon sa House Secretary General ngadto sa Office of the House Speaker duha ka adlaw human kini napasaka.
Sumala ni Erice, ang paspas nga Pagsugod sa proseso sa kaso naghatag og “one-year immunity” sa Pangulo batok sa bisan unsang bag-ong impeachment complaint sulod sa usa ka tuig, bisan unsa pa kabug-at ang ebidensya. Tungod niini, dako ang posibilidad nga dili makumbinsi ang ubang magbabalaod sa pagsuporta sa reklamo.