Nagpasaka og not guilty plea ang rapper nga si Lil Nas X (Montero Lamar Hill sa tinuod nga kinabuhi) sa mga kaso nga giatubang niya karon, lakip na ang pagpasakit sa usa ka pulis ug paglikay sa pag-aresto.
Gidakop ang rapper niadtong miaging semana human siyang mareklamo nga nagalakaw-lakaw nga naka-brief ra sa kadalanan sa Los Angeles.
Matud sa kapulisan, sa pagtubag nila ang maong tawag, kalit sila nga gisumbag o giatake ni Lil Nas X.
Gidala una siya sa ospital tungod sa suspetsadong drug overdose.
Gi-atubang sa 26-anyos nga rapper ang kaso sa korte sa Los Angeles, diin gitakda ang iyang piyansa sa kantidad nga $75,000.
Si Lil Nas X ang unang openly gay nga lalaki nga nakadawat og Country Music Association award tungod sa iyang bantog nga kantang “Old Town Road” niadtong 2019.