Nagpakita og usa ka talagsaon nga eksena ang graduation ceremony sa University of Maryland karong tuiga human giimbita ang paboritong karakter sa The Muppets nga si Kermit the Frog aron mahimong keynote speaker sa Class of 2025.
Gimugna ni Jim Henson, si Kermit nailhan sa iyang kinaadman, pagkabuotan, ug positibong panglantaw sa kinabuhi, ug usa sa mga labing inila nga puppet sa kalibutan.
Nagpahimangno si Kermit sa mga graduates nga ang pagsulod sa tinuod nga kalibutan dili sayon, ilabi na karong panahona nga daghan ang mga kalisod sa ekonomiya ug politika. Giduso niini ang importansya sa panaghiusa ug pagtambayayong nga maoy dalan sa kalampusan.
Nagpabilin nga espesyal ang koneksyon ni Kermit sa University of Maryland tungod ang iyang creator nga si Jim Henson migraduwar sa maong tunghaan niadtong 1960, ug gipasidunggan kini pinaagi sa estatwa nila ni Henson ug Kermit sulod sa campus.
Giila sa university president nga si Darryll J. Pines ang bililhon nga mensahe ni Kermit nga ang paglaum ug panaghiusa angay sabton gumikan ang mga magtutungha nagsugod na sa usa ka bag-ong yugto sa ilang kinabuhi.