Gipangandaman na karon sa Provincial Government sa Bukidnon ang pagplastar sa panguna nga panginahanglanon sa matag booth stall sa kapitolyo alang sa umaabot nga Kaamulan Festival 2026.
Sa pakighinabi sa Bombo Radyo Malaybalay kang Jerry Sales, usa ka trabahante sa Provincial Government, gibutyag niini nga naghinay-hinay na ang pag-instalar sa mga tubo sa tubig aron masiguro ang hapsay nga serbisyo sa matag booth sa selebrasyon nga magsugod karong Marso 19 hangtod Abril 23, 2026.
Bisan pa man sa kasamtangang kakulang sa suplay sa panubig sa syudad sa Malaybalay, giklaro ni Sales nga ang tubig nga gamiton sa mga booth kuhaon gikan sa Water Reservoir and Distribution Lines project sa Capitol Compound, nga nagpasabot nga dili kini maapektuhan sa problema sa syudad.
Gipangandaman usab ang uban pang mga pasilidad aron masiguro ang kaluwasan ug kahupayan sa mga bisita ug partisipante sa Kaamulan, nga usa sa pinakadakong kultural nga selebrasyon sa Bukidnon