Padayon ang pagtaas sa kaso sa ilegal nga droga sa lalawigan sa Bukidnon karong tuiga, base sa pinakabag-ong datos sa Philippine Drug Enforcement Agency (PDEA) Bukidnon Provincial Office. Matod ni PDEA Provincial Intelligence Officer V Laila A. Abad, mas taas ang naitalang insidente sa paggamit ug pagpamaligya sa droga karong tuiga kung ikumpara sa miaging tuig.
Ilang monitoring nagpakita usab og pagdagsang sa mga nagbalik nga drug users nga usa sa ilang gitan-aw nga seryosong hulga sa kampanya kontra droga. Pahayag ni Abad sa usa ka panayam, mas daghan usab ang nadakpan karon kumpara sa miaging tuig. Kini nagpasabot nga mas agresibo ang ilang operasyon, apan usa kini ka indikasyon nga padayon ang problema sa droga sa probinsya.
Gipanghimakak ni Abad nga tungod sa padayon nga kooperasyon sa mga lokal nga kapulisan, barangay officials, ug mga concerned citizens, mas daghan silang nasakpan. Gihangyo usab niya ang publiko nga magpadayon sa pagreport sa mga ilegal nga kalihukan aron mas mapaigting pa ang kampanya batok sa droga.