Gisulayan sa Bombo Radyo Malaybalay nga hinabion ang board of directors sa Water District alayon sa nagpadayong mulo sa mga konsumante gumikan sa kawad-on og suplay sa tubig.
Apan, nagdumili sa paghatag og pahayag kabahin sa maong isyu sa suplay sa tubig sa syudad sa Malaybalay ang Water District ug Prime Water.
Sumala pa ni Loujene Paguray, residente sa Casisang, Malaybalay City ug konsumante sa Prime Water, nga walay igong suplay sa tubig sa ilang dapit gumikan talagsa ra matud pa muagas ug sa higayong muagas man, dunay mga panahon nga lubog kini ug dili luwas nga imnon.
Kahinumduman nga gibutyag ni Pabillaran nga gikan sa 25 katuig nga kontrata sa joint venture, 5 na katuig nga way klaro nga serbisyo ang Prime Water.
pan, isip mayor, wala matud pa kini niya hilabti kaniadto isip respeto sa kontrata.
Gani, giabagan kini sa mayor pinaagi sa pagpangita og dugang source alang sa suplay sa tubig ug nagtukod og proyekto alang sa pagserbisyo sa panginahanglanon sa katawhan.
Apan, gipasabot niini nga dunay mga barangay sa siyudad nga wala naserbisyohan sa proyekto sa lokal nga pagamhanan isip pagtahod sa pribado nga kompanya.