Nagplano ang Food Terminal Incorporated (FTI) nga makompleto sa Mayo ang usa ka sistema nga magmonitor sa lihok sa mga baboy gikan sa mga farm hangtod sa mga retailer.
Kini nga sistema makatabang sa pagpakunhod sa presyo sa karne ug pagpugong sa pangpangabuso sa presyo sa supply chain. Ang maong lakang matud pa sa Food Terminal Inc.
(FTI) makatabang sa pagpakunhod sa presyo sa karne ug pagpugong sa pangpangaabuso sa presyo sa supply chain.
Ang Department of Agriculture (DA) nagpatuman og price ceiling , aron mapugngan ang pagtaas sa presyo ug masiguro ang affordability sa mga konsumante.
Ang maximum suggested retail price (MSRP) alang sa liempo sa baboy mamahimong mapalit sa P380 kada kilo, samtang P350 kada kilo ang presyo para sa pigue ug kasim.
Sumala ni FTI president and chief executive officer Joseph Rudolph Lo, nga ang presyo sa mga baboy nga P230 kada kilo usa na ka timailhan sa pagpangabuso sa presyo.
Dugang pa niini nga ang margin gikan sa P50 hangtod P65 kada kilo o katugbang sa P5,000 ngadto sa P6,500 kada 100-kilo nga baboy, husto na nga kita.
Nagpahimangno sab sa mga stakeholders si Agriculture Assistant Secretary Genevieve Velicaria-Guevarra nga ipasabut ug hingpit gayod nga sundon ang MSRP.