Sumala sa Samahang Industriya ng Agrikultura (SINAG), angay nang mukonhod sa P35–P40 kada kilo ang presyo sa imported nga bugas tungod kay miusos na og kapin 50% ang presyo niini sa world market sukad 2024, apan wala pa kini mabati sa Pilipinas, matod ni executive director Jayson Cainglet.
Base sa pinakabag-ong Bantay Presyo sa Department of Agriculture (DA), nagpabilin sa P40–P46 kada kilo ang regular milled rice sa Metro Manila, P50–P59 ang premium white rice, ug labaw P60 ang pilit. Samtang, gilusad sa gobyerno ang Benteng Bigas Meron (BBM) nga nagbaligya og bugas sa P20 kada kilo sa mga Kadiwa outlets sugod Enero 2026.
Gihangyo usab ni Cainglet nga bantayan ang presyo sa isda, ilabi na sa Navotas City diin misaka ang galunggong sa P140–P180 kada kilo. Nanawagan ang SINAG og mas hugot nga monitoring aron ang pag-ubos sa global prices mabati gyud sa mga konsumidor.