Gideklarar sa lokal nga kagamhanan sa Malaybalay nga walay kalampusan ang joint venture sa PrimeWater ug Malaybalay City Water District human sa gipahigayong committee hearing kagahapon adlawa, Hunyo, 14,2025.
Gitumbok nga ang pre-termination sa kontrata na lamang ang posible nga solusyon sa problema sa serbisyo sa tubig. Gibutyag ni Atty. Jay Warren Pabillaran, mayor sa syudad, nga wala nay basehan ang kasabutan ug giangkon niya ang responsibilidad sa nahitabo.
Matod pas mayor, ang kasamtangang palisiya napakyas sa paghatag og lig-on ug hapsay nga serbisyo sa tubig ning syudad. Sa laing bahin gipasalig sa mayor nga maningkamot ang city government Malaybalay sa pagpadali sa proyekto sa tubig, ilabi na sa mga lugar nga kritikal ang panginahanglan, pinaagi sa paghatag og budget ug pagpatuman sa alternatibong solusyon.