Gipadayag sa usa ka kanhi presidential spokesperson nga ang Senate President maoy gitan-aw nga mahimong standard-bearer sa gitawag nga “Dilawan-Marcos alliance” sa umaabot nga 2028 elections.
Matod niini, kini ang nakit-an nga posibleng kontra batok sa Vice President sa umaabot nga presidential race, ug dili ang ubang senador nga gisugyot nga kandidato.
Gipasabot usab nga dili mokuyog ang Naga City mayor nga kaniadto vice president Leni Robredo sa maong alyansa tungod sa hugot niyang batikos batok sa Marcos family niadtong 2016 ug 2022 elections. Ang posibilidad sa alyansa gituohan nga mahimong hinungdan sa kusog nga kompetisyon sa umaabot nga eleksyon.
Sa pagkakaron, nagpaabot ang publiko ug klaro nga pamahayag gikan sa kampo sa mga giingong partido samtang nagpadayon ang diskurso sa posibleng dagan sa 2028.